|
أياليل المنافي الما طفت ناره اولا عده الصباح اوسرت أخباره أيا ليل وظلام وحشة الخلان صفنات واسى وحسبت دواره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ أيا لوعات ياهجران يااهات گضینه العمر نتنطر ابشاره أياليل الگضت ساعاته بالحسرات اشواگ وبعد وعيون نطاره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ أيا حفنة سنين المضت بالهجران أيا عمر انتهى وأيام غداره أيا صرخة حزن يا هضم ما ينقاس أيا جور الزمان وقسوة اثاره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ أيا كلفات يا عصرات حد الموت أيا فجر اليمر ما شعت انواره أيا خلان غربه إبزحمة الايام تجافو كل شخص متكتر إبداره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ أيا غربه ابوسط غربه ابوسط نيران أيا نظرات وسط الجفن محتاره أيا ضحكات خجلانه ابسواد الليل أيا بسمات كثر الحزن منهاره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ أيا عبرات وسط الصدر محبوسات أيا دمعة غريب التارك ادياره شخبرنك بعد ياليل شذكر ما تدري ابجروحي المالهن چاره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وما تدري الگلب یالیل ظل معيوب مهموم وعليل ابجمرة أسراره وما تدري البعد ذوبنه حد الشوگ وما تدري ابزمان السلط اشراره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وما تدري التجافي اشخلف النه احقاد اولاتدري اعلى جار الما دره إبجاره وما تدري انتشاوف بالعمر نوبات وما تدري اليغيب ايضيع تذكاره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وما تدري ابتعاملنه صفينه اغراب وما تدري الفقير ابفلس ديناره وما تدري التعالي ابهالزمن عنوان وما تدري التواضع خلص مقداره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وما تدري ابتلينه ابمرض ما معروف كل واحد صفه ابشخصين بافكاره او لو تدري بعد كلنه اعلى حق انگول واحنه اعلى الغلط كل يوم عباره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ او لو تدري النقد عدنه صبح ممنوع او لو تدري النفاق اشكثر اوكاره وشخبرنك بعد حتى التملق صار ضروره ابهالحياة اوبيه نتباره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وشخبرنك بعد صار الكذب نبراس وضاع الصدگ عدنه وضاعت انصاره شسولف لك بعد حچي الصدگ مرفوض اوصرنه اعلى الحقيقه اسيوف بتاره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ والباطل صفه الحق واحنه متفرجين فشه بينه المرض والعدوى سياره وشخبرنك بعد صار النذل مهيوب اوبيته ابكل وكت عامر ابزواره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وابو نفس العزيزه ابهالوكت مسحوگ معزول ابغربته اولا بشر زاره وشخبرنك بعد هالناس تركض دوم للعنده فلس خدام خواره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ شريد احچي او شسولف لك بعد ياليل شتتنا الزمان وحيل اخذ ثاره اوشخبرنك بنينا امن الحقد جدران وطوقنه التجافي وحكم اسواره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ اولو ردنه انتعاتب وبهداوة صوت واحدنه اعلى الاخر ينفض إغباره او لو ردنه إنتخاصم عاد يمك هاي نگب نغلي ونشب نيران جباره آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ وتضيع العشره وسنين الگضت ياحيف ونرد للجاهليه ونرفع اشاره اياليل المنافي ارجوك بسك عاد مليت الهضم راجع للعماره ,,,,,,,,,,,,,,,,,,,,,,,,,,,,,,,,,,,,,,,
ابو مرتضى البهادلي 15/2/2004 كوبنهاگن
|
