يضل سيف الدهر باركابنه حده
اوتضل ادمانه تتمرجل عله الشده
اويدور الوكت بينه اوخله يتعده
نكابر عالصبر حد مايصل حده
اونبجيهه السنين اشما كصت بينه لون جرح الضماير عالشرف نده
خل حال اليضدنه اباهنه يرتاح  واحوالنه خلهه اوخلهه تترده
خلهه اتزيد نار الشبت ابعاشور لخيام الحسين اوجمرة الرده
اوخل جيشك يزيد ايجول بالميدان خل شمر اللعين ابحقده يتعده
خلهه اخيول اميه اتدوس صدر احسين خلهه اتوفي عهد الكطعته الجده
اوخل جرح العقيده ايشله نزف الدم يسيل الدم على اتراب الشهاده اوترتوي ابدمـــــــــــــــــــــــــــــــــــــــــــــــــــــــــــــــــــــــــــــــــــــــــه
اوخل كاع الطفوف اتورد ابكل حين ورده اتعانك ابورده
اوخل صرخة المذهب ترتفع واتغيض كل مبغض حقود اتذله واتصده
اوخل بيرغ الشيعه اعله الجماجم فوك نجمات الثريه ايرفرف ابمجده
اوخل تبكه الصدور اتعانك البارود واجساد الضحايه اتصير سيل اليفتك ابسده
اوخل تتطاير اركاب القربان لجل الضحه نحره اوماخلف وعده
اوخل نيران اميه ابكل عصر كل حين بفعال الحقد والفتنه مشتده
اوخل سيف النواصب بينه يذبح دوم حته اليرضع ابمهده
نضـــــــــــــــــــــل احنه السيوف الماتعرف الذل نوذر بالركاب ابساعة الهده
اونضل ابنهج ابو الاحرار شيعــــــــــــــــــــــــــــــــــــه اونكسر اخشوم اليحرف المعتقد  وايكفره وايضده
عهدنه ابدمنه خطينا مومنه الذليل الخضع لهل الزور اوسلك درب التقيه اوماحفظ عهده
منه اللف جفن موته اعله جسمه اومن رصاص الغدر طرز بالشرف لحده
منه الصدر وال الصدر بركان واتفجر غضب وامطر عله روس النواصب نار واتحده
عــــــــــــــــــــــــــــــــــــــــــــد ياناصبي اشجم صدر من احسين اخذ درس البطوله اوماخلض عــــــــــــــــــــــــــــــــــــــــــــــــــــــده
واصرخ ياضمير العالم المدفون صحي ابدربك التاريخ شهده اعله الظلم شهده
يهي يالله يمهدينه المنايه اتلوح جنهه اوشيعتك تنباد عجل طالت المده
واخبرنك يمولانا رحيصه ادمانه تتجاره اوبعدنه اننادي بالوحده
يمولاي اوشوصفلك حقدهم وصل للزوار وابحضرة اجدادك جثث متوسده
يمولاي الروايه السوده كربت والعدد محسوب والعده ابدمانه انجهز العده
نذرنه ارواحنه الجيتك واخذنه مكن الطفوف ادروس ننطر سيفك المهيوب يايوم ابيمينك للعده اتجرده
نضل ننطر نضل نصبر نضل اعله النهج دوم اشما كصو بينه  اوتضل ادمانه تتمرجل عله الشده
اويضــــــــــــــــــــــــــــــــل سيف الدهر باركابنه حـــــــــــــــــــــــده