اسبحت بالدم صلاتك وانجفه المحراب دين الله  تهدم والملك كبر
يالشايل عمود الدين طاح الدين وانهدت اركانه اوسال دم احمر
من جرحك تسايل فيض المحراب جن دنيتك كلهه اتصيح ياحيدر
يابيرغ الخالق يا وحي الاسلام  يادين الاله  اوقدرته اواكثر بعد واكثر
يا سر الوجود اويا عظيم الشان يالمجرب يحيد اتكدر اوتكدر
الك كون الله كله ابجرحه ضل ايلوب لن الكون بيدك ياعلي يفتر
حمل دين الله جفك امناك اعليه ربك بشرك تامر ولا تامر
اومن صوت الجرح هز  العرش والساك دنيانه استغاثت ياعليهه احضر
ياليلة كدرهه اواية التكوين ياقرانهه اوسر عاديات الذر

ياسرهه اوفخرهه اويادليل الله حته الكاع بسمك تنخه من تعثر
========================================================
مفتاح الشدايد ماترد محتاج حاضر بالكلافه اوجذب تتعذر
تكفر بالقدر كون البشر تنعاك لن انته القيامه اوساعة المحشر
ياراية بدرهه اويارمح صفين ياسيف الاحزاب اويادرع خيبر
ياسدهه اواسدهه اتلوذ بيك اصفوف وانته اعله الركاب اتفوت تتبختر
حته الكاع تجفل من تسل السيف لن سيف الله بيدك يطر بيهم طر
يالبسيفك تميل الروس تلو الروس  وابدورة يمينك جثث تتوذر
تستنكه الفحول اوترعب الصوبين تكلبهه اوتردهه اوتر تتطشر
سيف الطبرك طر هامة الاسلام مو راسك يحيدر دينه اتطبر
جيف انك حميت الدين ياكرار امر رب السمه يهديلك الكوثر
ياتاج الاله اوياوحي القران ياعلم الوجود اويادليل الله ربك صورك سبحن من صور
هذا انته اوشهدلك حته رب الكون بلغ يامحمد  الوصي حيدر قد اعذر يااسلام من انذر

ابو زينب الديواني