القصيده  بمناسبة سقوط اكبر طاغيه على الارض   0 ابو الكمل0
---------------------------------
مااحنه كلنه اشماتعلي انته تطيح\ اولون عشت ابعزتك تالي تذل

اومحد ايعينك لون تنخه اوتصيح\ يلن دوني اواخس يالاصلك نذل
-------------------------------------------
يالحكمت ابجورك ابنار اوحديد\\ اومنك انرهبت طواغيت العصر
صرت فرعون اوعلي باكثر تزيد\\بالقتل والضلم كضيت العمر
تامر اوتنهي اوتسوي اشماتريد\\اوردت حته الدنيه بامرك تاتمر
اوردت كل الناس تصبحلك عبيد \\ اوتعترف بالطاعه والظلمك تقر
اوبيدك القذره تعلك جم شهيد \\اوجم شريفه اللي انهتك منهه الستر
كافر انته اوانته اظلم من يزيد\\\ اوكلبك اسود واقسه من كلب الشمر
خلص عمرك بس خطابات اووعيد\\\ خاتل ابنكره اوتصيح منتصر
منته جاهل ماتحسب للبعيد\\ اودنيتك ناعور لو عكست تفر
صرت رمز الجبن وانته الماتهيد\\\ ابحفرتك كضوك جا وين القصر
هذا يوم احسابك اويومك شديد\\\اعليك ايام اليسر صارت عسر
الشعب اقسم واتفق ايد اعلا ايد\\\ بالمزابل راح يحفرلك كبر
اليوم صاح المات وي صوت الذبيح\\ اليوم صرخت كل ضحايا ال  الصدر
اليوم حته المكبره اوصوت الضريح\\\ ايدوي باعلا السمه لازم تنكتل
اومحد ايعينك لون تنخه اوتصيح\\\\ يلن دوني اواخس يالاصلك نذل
----------------------------------------------

يلي من ضيمك تهجر جم اصيل\\\ وابسجونك جم شريفه اتعذبت
اومن نقمتك ضل ينوح اشجم عليل\\\ اومن قسوتك ولك جم عيله انسبت
انته جزار اوتفنن بالجتيل\\\اومن وراك اشكد شباب اتعدمت
اعلينه ميزان الغضب بيدك تجيل\\\وابدموم اجروحنه اعداك اشتفت
والمقابر تضل برهان اودليل \\\ اكبال عينك ريتهه اعيونك عمت
كرب حد يومك يبو السان الطويل اوساعتك كربت والطاوه حمت
ما متت  لن بيهه حكمه امن الجليل\\انشوف راد اشتالي اخرتك صفت
جنت تهمش ذاك وابذاكه تعيل\\\ والعرب بسمك تنادي اتشيمت
تالي اخرتك اذل امن الذليل\\ اوبيد اخس ناس العليك اتلملمت
واجت صطرت ربك ابترس الشليل\\\اوفرجه للعالم يسالفتك غدت
احنه كلناهه قرار ابلا بديل\\\ الشعب ايدهه والحجايه انحجت
لازم اببغداد دم جسمك يسيل\\\ اوجثتك ابكل الشوارع تنسحل
اوتنبح اوماينفعك حته النبيح\\\ اوروحك الغبره الجهنم تنعزل

اومحد ايعينك لون تنخه اوتصيح
       يلن دوني او اخس يالاصلك نذل