d2

تلاكينه احنه وي شعبان يوم الهل تلاكينه اوتحزمنه ابعقيدتنه اوعله حد الزماط اصفوف صفينه اومن شفنه الكرامه ابلا ثمن تنباع لعد سوح الشهاده ابلهفه هبينه هبينه اوتفگنه ايزامط ابزلمه اورجع بي حيل عشرينه اوتوشحنه ابرصاص الحگ عله روس العفالق غضب صبينه هذوله احنه زلم شعبان ياهو الماسمع بينه يتفركث صنم تكريت من يسمع ابطارينه هذوله احنه يتاريخ العراق اشهد من دمنه ابسجلك عهد خطينه اويوم 15 شعبان يوم انولد مهدينه نفضنه اتراب ذلتنه اوتوكلنه اعله بارينه ابغضب رجفت شواربنه اوتمرجلنه عله الكلفات يوم الصاح حادينه اووافينه وفه العباس من وفه العضيده ابكطع چفينه اومن صرخة البصره اصوات رفعنه اصواتنه اوياهه النداء البصره لبينه اوصرخنه اصوات ياللثار لا للعار من الذله ملينه والحفار ضل تذكار وال ابدير والعبره اوعفچ يوم فزعت تنحينه لضمنه الكاع بالبارود وابفيض الدمه السايل تحنينه اووگفنه وگفه للتاريخ والجيش الكفر واهله تصدينه عزم چفنه من ابو الحسنين ياچف اليلاوينه اومدينه الضلوع اجسور لحواض الشهاده ابدمنه روينه يذكركم شهر شعبان بينه لون ناسينه هذوله احنه ولدكم منكم اوبيكم يهلنه اتنومسو بينه حملنه اجروحكم نيشان وي غربة وكتنه اولوعة اسنينه اوعگدنه اهمومكم وي عگدةالشريان ونين الفاگدتات الول ونينه اوگبل دمعاتكم ماتنزل من العين وحق دم الحسين ادموم هلينه اولون اجسادنه افترگت تره ارواح التودكم ضلت اوياكم يلنهه امن اصل هالطينه اوعگب مافارگتنه اسنين غربتنه الاهلنه ابشوگ ردينه ردينه العراق الخير لهل الخير لهل المرجله والثوره حنينه نشمرهه السواعد وجب هذا اليوم خل تتعاضد ايدينه اونلم شمل العراق الطشروه اسنين اويعم الخير عالديره اويغطينه وطنه البيه ابو الحسنين واولاده اواصل دينه يضل محمي ابعزمهم دوم اونضل للوطن مطلوبين اشگد ماكلنه ضحينه الانتفاضه الشعبانيه المباركه