|
بسم الله الرحمن الرحيم نرفع اسمى ايات العزاء والمواسات الى حضرة مولانا صاحب العصر والزمان روحي وارواح العالمين لتراب مقدمه الفداء بمناسبة استشهاد جده الامام موسى الكاظم عليه السلام وبمناسبة فاجعة جسر الائمة الاليمة التي راح ضحيتها كوكبة من شهدائنا الابرار سائلين المولى تعالى ان يتغمد الشهداء برحمته الواسعه وان يدخلهم فسيح جناته وان يلهم ذويهم الصبر والسلوان واني لاجد نفسي مقصرا تجاه هؤلاء الابطال الذين بذلوا مهجهم في سبيل السير على نهج ائمتهم الاطهار حيث اضحت كلماتي عاجزه عن التعبير وعقلي مشدوها عن التفكير بما جرى من فاجعة كبرى قل لها نظير في يوم شمت به العدو وقل به النصير فكتبت هذه الكلمات بلا تدبير من وحي المصاب الجلل
راهنو حيل وصمموا تفشل قضيتك ياوطنْ طعنوك برماح الغدرْ جرعوكْ اشكال المحنْ من كل كتر جوك ابحقدْ واستفردوكْ ابهالزمن واللي لاجلهم قدمتْ اول رمح منهم طعنْ ذبحوكْ والمنحر غده انهار من دمكْ سرنْ وكل واحدْ بسيفه طبرْ واسهام بجروحك رسنْ احقاد كلهه اتسعرتْ صوبك تعنتْ وانطفنْ باعوك يالاسمكْ ذخرْ ياحيف وبابخسْ ثمنْ لالالالالالالالالالالالالالالا يالچنت حارس للعربْ واعيونكْ ابدا ماغفنْ والفانيات ابهالوكت باعنْ باسمكْ واشترنْ وانفاسْ مليانه حسدْ كلهن عليك اتوحدنْ نشفنْ دمك للعرج واضغانهنْ بيك ارتونْ ذبلت اخدودكْ ياوطن وخدود غيركْ شو زهنْ وعيونكْ المادمعتْ كثر الالمْ من دم بچنْ وجروح كثره اتراكمتْ عمي طول الزمن ماينسنْ لالالالالالالالالالالالالالالالالالا حرموك من شم الهوى اولو بيدهم حي تندفنْ يالما شفتْ راحه ابدْ وافطامك ابزغركْ حزنْ وجروحكْ ابطول الدهرْ شمعاتْ بالظلمه ضونْ داسو على صدركْ غصبْ يالصدرك اشراع السفنْ ورادو اجناحكْ ينكسرْ وچفوفكْ المايلونْ وحشموا من باني وبني وين النذلْ وابن العفنْ لآلآلآلآلآلآلآلآلآلآلآلآلآلآلآلآلآلآلآ واسرابْ اجتنه امن الدبشْ باسم ابن لادن عربدنْ عافوا قضيتهم بعدْ واسهامهمْ بينه مضنْ تفخيخ اجرام وخطفْ والذبح سنه امن السننْ هولاكو عاد ابصولته بغداد حضريله الچفنْ بغداد عينچ ماغفتْ واحقادهم بيچ اشتفنْ بغداد ذبحوچ ابغدرْ واسهام كثره اتواردنْ بغداد يا ذخر العربْ لضعونهم لو هودجنْ ابنخلاتْ جيرانچ ثمرْ ونخلاتچ انت الخشفنْ واحلى الليالي اللي مضتْ وياچ شو چنهنْ جفنْ وصوت الحزنْ چنه ارتفعْ واعيادچ ابليله اختفنْ لالالالالالالالالالالالالالالالالالالالا وانوارچ التزهي عمرْ بالظلمه شو ما نورنْ ولچماتْ ابد ماتنحسبْ وجروح كلفه الخزننْ واعظمْ جرح يوم الجسرْ لمن على دجله هونْ اجساد من شيعة علي من سمْ حفيده اتسممنْ ودجله انگلبْ مايه دمه والجسرْ راج وماسكنْ وبالعالم العلوي حزنْ الافلاك ضجنْ كبرنْ لالالالالالالالالالالالالالالالالالالا الحزين ابو مرتضى البهادلي 5/9/2005 كوبنهاگن |